Azərbaycan, Bakı /müxbir Trend K. Zərbalıyeva/Ötən ay respublikada narkotiklərin qanunsuz dövriyyəsi ilə bağlı 478 cinayət faktı qeydə alınıb. Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından bildirilib ki, qeydə alınan cinayətlərin 321-i narkotiklərin saxlanması, 145-i satışı, 7-si isə əkini ilə bağlıdır.
Fevralda qanunsuz dövriyyədən 95 kiloqramdan artıq müxtəlif növ narkotik maddələr çıxarılıb. Narkotiklərin 70 kq qədəri həşiş, 13 kq marixuana, 6 kiloqramdan çoxu tiryək, 4 kiloqramdan çoxu isə heroin olub.