Müsavat başqanı yürüş-mitinqlə bağlı mətbuat konfransı keçirib
Azərbaycan, Bakı / Trend müxbir S.İlhamqızı/ Müsavat Partiyasının martın 18-də keçirəcəyi yürüş-mitinqdə qiymət artımına etirazla yanaşı, əhalinin kommunal borclarının silinməsi tələbi də səsləndiriləcək. Bu barədə bu gün mətbuat konfransı keçirən partiyanın sədri İsa Qəmbər məlumat verib.
Onun sözlərinə görə, etiraz aksiyasında bəzi müxalifət partiyaları, o cümlədən Klassik Xalq Cəbhəsi Partiyasının (KXCP) üzvləri də iştirak edəcək. Qəmbər hesab edir ki, əhalinin yalnız siyasi təbəqəsi deyil, peşəsindən asılı olmayaraq bütün vətəndaşlar qiymət artımına etiraz etməlidir. Yürüş metronun Həzi Aslanov stansiyasından başlanacaq, mitinq isə Bakının "Ukrayna" meydanında keçiriləcək.
Müsavat Partiyasının Mərkəzi İcra Aparatının sədri Arif Hacılı Trend ə bildirib ki, yürüş-mitinqdə 10 minə yaxın vətəndaşın iştirakı gözlənilir.
