Azərbaycan, Bakı / Trend müxbir K Zərbalıyeva / Dövlət Sularda Xilasetmə Xidmətinin Qobustan Xilasetmə Postunun xilasediciləri mayın 1-də iki nəfərin həyatını xilas ediblər. Fövqəladə Hallar Nazirliyinin mətbuat xidmətindən çərşənbə günü verilən məlumata görə, mayın 1-də saat 13:00 radələrində sahildən 3000 metr aralıda, avarlı taxta qayıqla balıq ovuna çıxan Sarıqum küçəsi, ev 10 ünvanında yaşayan Buludxan Güləliyev və Neftçala rayonu Xıllı kənd sakini Məmmədxan Gözəlov dəniz küləkli olduğuna və qayıqlarının içi su ilə dolduğuna görə sahilə qayıda bilməyiblər.
Dövlət Sularda Xilasetmə Xidməti Qobustan Xilasetmə Postunun xilasedicilərinin gördüyü tədbirlər nəticəsində Güləliyev və Gözəlovun həyatlarını xilas etmək mümkün olub
