Azərbaycan, Bakı / Trend müxbir E.Hüseynli/ Yeni Azərbaycan Partiyası (YAP) sabiq prezident Heydər Əliyevin doğum günü ilə bağlı tədbirlər planını təsdiqləyib. YAP-ın mətbuat xidmətinin rəhbəri Hüseyn Paşayev çərşənbə günü bildirib ki, tədbirlərin yekunu olaraq mayın 7-də "Heydər Əliyev yolu: Azərbaycan inkişafın yeni mərhələsində" mövzusunda konfrans keçiriləcək. Onun sözlərinə görə, konfransda YAP-ın sədr müavini Murtuz Ələsgərov, İdarə Heyətinin üzvü, Prezidentin İcra Aparatının ictimai-siyasi şöbəsinin müdiri Əli Həsənov, ekologiya və təbii sərvətlər naziri Hüseynqulu Bağırov, Naxçıvan Milli Elmlər Akademiyasının prezidenti İsmayıl Hacıyev sabiq prezidentin ictimai-siyasi fəaliyyətinə dair məruzə ilə çıxış edəcəklər.
...
