Azərbaycan, Bakı / Trend müxbir K.Zərbalıyeva/ Azərbaycan prezidenti "Dövlət sirri haqqında qanun"un tətbiq edilməsi ilə bağlı 2004-cü il noyabrın 5-də imzaladığı fərmana əlavələrin edilməsi barədə yeni fərman imzalayıb.Yeni fərmanla "Dövlət sirri haqqında qanun"un tətbiq edilməsi ilə bağlı 2004-cü il noyabrın 5-də imzalanmış fərmana yeni bənd əlavə olunub. 3.6-cı bənddə qeyd olunub ki, dövlət mühafizə obyektlərinin və mühafizə olunan obyektlərin informasiya və rabitə sistemlərində, şəbəkələrində dövlət sirrinin mühafizəsinin təmin olunmasına idarələrarası nəzarəti öz səlahiyyətləri daxilində Xüsusi Dövlət Mühafizə Xidməti həyata keçirir.
"Dövlət sirri haqqında qanun"un tətbiq edilməsi ilə bağlı 2004-cü il noyabrın 5-də imzalanmış fərmanın 3.5-ci maddəsində bildirilirdi ki, "Dövlət sirri haqqında qanun"un 32.1-ci maddəsində nəzərdə tutulmuş "müvafiq icra hakimiyyəti orqanı"nın səlahiyyətlərini Azərbaycan Respublikasının Milli Təhlükəsizlik Nazirliyi həyata keçirir.
