Azərbaycan, Bakı / Trend müxbir S.İlhamqızı/ Azərbaycanın 54 saylı Dəvəçi-Siyəzən seçki dairəsi üçün tikilən yeni inzibati binasının çərşənbə axşamı açılışı olub. Bu barədə çərşənbə axşamı Trend ə Azərbaycan Mərkəzi Seçki Komissiyasından (MSK) məlumat verilib.
Azərbaycanda 125 seçki dairəsi var. Azərbaycan prezidentinin sərəncamı ilə seçki dairələrinin təmiri, bəziləri üçün yeni binaların tikilməsi işləri aparılır. Bu il ərzində 12 seçki dairəsi üçün tikilən yeni binanın açılışı olub.
13-cü yeni binanın açılışı bu gün keçirilib.
Ümumilikdə 60-dan yuxarı seçki dairəsi üçün yeni binaların tikilməsi nəzərdə tutulub.
Sabah - çərşənbə günü 118 saylı Ağdam şəhər seçki dairəsinin yeni binasının açılışı olacaq. Şəhər özü işğal altında oduğundan bina rayonun Quzanlı kəndində tikilib.
Avqustun 24-də daha üç dairənin - 70 saylı Masallı şəhər, 71 saylı Masallı kənd, 72 saylı Yardımlı-Masallı dairəsinin banasının açılışı olacaq.
125 seçki dairəsindən 11-də əlavə otaqlar tikilib, qalanlar dairələrin binaları isə əsaslı təmir olunur. Bütün bu işlər avqustun sonuna kimi yekunlaşmalıdır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
_100812.jpg)
