Azərbaycan, Bakı, 3 oktyabr/müx. TrendLife Şahin Cavadsoy/
Xanım müğənnilərimiz soyunur, təzə xəbər deyil. Aydın məsələdir ki, səsi olmayan ifaçı özünə reklam yolu axtarır. Müğənni Ruhi isə, soyunmaq sözünü eşidəndə daş-atıb, başını tutur. Bu haqda TrendLife-a danışanda da Ruhi, ağzından çıxan kəlmələrə diqqət yetirdi: "Soyunmağı gözəllik sayanlar yanılırlar. Həmişə demişəm, bundan belə də söyləyəcəm ki, qadın gizli qaldıqca, füsünkarlaşır. Amma çox təəssüf , səhnədə olan xanımlar məhz soyunmaqla gündəmdə olmaq istəyirlər".
"Dediklərindən başa düşülür ki, gündəmdə olmaq müəyyən mənada səni də bezdirib"-sualını isə Ruhi tam səmimiyyəti ilə belə cavablandı: "Deyəsən, bu, artıq belədir. Yəqin yaxın vaxtlarda bir az kənara çəkiləcəyəm. Düşünürəm, sənətimlə tam ciddi məşğul olmağımın vaxt yetişib. Bu işdə də sevimli bəstəkarım, müəllimim Nailə xanım Mirməmmədlinin köməyinə arxalanıram".