Bakı.Trend:
Rusiya Kalininqrad vilayətini təcrid etməyə cəhd edəcəkləri təqdirdə, nüvə silahı da daxil olmaqla, bütün arsenalından istifadə etməyə hazırdır.
Rusiya KİV-nin yazdığına görə, bu barədə Rusiyanın İrlandiyadakı səfirliyində bildirilib.
Diplomatik nümayəndəlik xəbərdarlıq edib ki, Kalininqradın hava və ya dəniz blokadası ssenarisi reallaşarsa, silahlı toqquşma riski yüksək olacaq. Səfirlik Rusiyanın münaqişənin ilkin mərhələsində NATO ölkələrinin qərar qəbuletmə mərkəzlərinə qabaqlayıcı zərbələr endirməsini də istisna etməyib.
Səfirlik həmçinin bildirib ki, Rusiya Avropa ilə münasibətləri gərginləşdirmək niyyətində deyil, lakin Avropa ölkələrini mümkün nəticələrə ciddi yanaşmağa çağırıb.
