Azərbaycan, Bakı, 15 yanvar/ Trend , müxbir C.Babayeva/ Azərbaycanın Reportyorların Azadlığı və Təhlükəsizliyi İnstitutu müttəhimlərin məhkəmə iclasının gedişində dəmir barmaqlıqlar arxasında saxlanılmasının əleyhinə çıxış edir. Bu barədə çərşənbə axşamı Bakıda İnstitutun direktoru Emin Hüseynli məlumat verib.
"Müttəhim məhkəmə iclası zamanı özünü təhqir edilmiş hiss etməməlidir. Bu, humanizm prinspilərinə ziddir" -Hüseynli bildirib.
Direktorun sözlərinə görə, onun rəhbərlik etdiyi İnstitut Rusiyanın nümunəsindən istifadə etməyi və dəmir barmaqlıqları şüşə hasarla əvəz etməyi təklif edir.
Reportyorların Azadlığı və Təhlükəsizliyi İnstitutu 2006-cı ilin yazında yaradılıb. Təşkilatın məqsədi xidməti borcunu yerinə yetirərkən Azərbaycan jurnalistlərinin təhlükəsizliyi və müdafiəsi ilə bağlı çoxsaylı problemlərin həll edilməsinə yardım etməkdir.
