Azərbaycan, Bakı, 30 yanvar /müx. TrendLife Eldar Hüseynzadə/
İki il bundan əvvəl isveçrəli dirijor Simon Kamartin Bakıda çıxış edib geri dönərkən yenə Azərbaycana gələcəyini söyləmişdi və o, yenidən Bakıda çıxış edəcək. TrendLife-ın verdiyi məlumata görə, fevralın 9-da Azərbaycan Dövlət Filarmoniyasının səhnəsində Kamera Orkestrinin konserti təşkil olunacaq. Həmin konsertə Simon Kamartin dirijorluq edəcək. Onu da qeyd edək ki, Simon Kamartin Ukraynada Bəstəkarlar İttifaqının fəxri üzvü, Moldovada isə, Milli Musiqi Mədəniyyət və İncəsənət Akademiyasının doktorudur.