Azərbaycan, Lənkəran, 23 fevral / Trend , müxbir P.Əliyeva/ Azərbaycanla İranın su sərhədlərinin pozulma hallarının qarşısını almaq üçün balıq ovu ilə məşğul olan balıqçılar sərhəddən 9 kilometr kənara uzaqlaşdırılıblar. Bu barədə şənbə günü Trend -a Xəzər dənizinin Azərbaycan hissəsində, Astara rayon İcra Hakimiyyətindən məlumat verilib.
Azərbaycanın İranla quru və su sərhədi 618 kilometrdir. Balıqçıların su sərhədini dəfələrlə pozması barədə Azərbaycan və İran arasında qarşılıqlı müraciətlər olub.
Balıqçılar qərara etiraz olaraq bu gün Astara rayonunun magistral yolunu kəsməyə cəhd ediblər.
Məlumata görə, bu gün İcra Hakimiyyətində balıqçılarla görüş keçirilib. Onlara çıxarılan qərarın mahiyyəti izah olunub. İran tərəfi də balıqçıları sərhəddən 9 kilometr kənara çəkib.
Astara paytaxt Bakıdan 300 kilometr cənubda yerləşir.
