Azərbaycan, Bakı, 20 may / Trend , müxbir C.Babayeva/ Bu il Azərbaycanın əksər şəhər və rayonlarının attestat ala bilməyəcək şagirdləri gələn il orta təhsil haqqında sənədsiz qala bilərlər. Bu barədə çərşənbə axşamı Bakıda jurnalistlərə təhsil naziri Misir Mərdanov bildirib.
Bu il mərkəzləşdirilmiş qaydada test üsulu ilə buraxılış imtahanları Azərbaycanın Bakı, Sumqayıt, Gəncə, Şirvan, Mingəçevir şəhərləri, Ucar, İmişli və İsmayıllı rayonlarının bütün orta məktəblərində keçiriləcək.
Nazirin sözlərinə görə, bu il Azərbaycan məktəblərinin attestat ala bilməyəcək şagirdləri qarşıdan gələn tədris ilində imtahan verib attestat ala biləcəklər.
"Bu yalnız mərkəzləşdirilmiş qaydada buraxılış imtahanlarının aparıldığı məktəblərin şagirdlərinə aiddir", deyə nazir bildirib.
Nazirin bildirdiyinə görə, hərbi xidmət yaşına çatmış oğlanlar hərbi xidmətdən sonra attestat almaq üçün nazirliyə müraciət edə bilərlər.
"Bu il ötən illərdə attestat ala bilməyənlər nazirliyə müraciət edib və attestat almaq üçün onlar buraxılış imtahanına buraxılacaq", deyə nazir qeyd edib.
Nazirin sözlərinə görə, gələn ildən mərkəzləşdirilmiş buraxılış imtahanları Azərbaycanın bütün məktəblərində tətbiq olunacaq.
"Gələn ildən mərkəzləşdirilmiş buraxılış imtahanlarının aparılmadığı Azərbaycanın digər şəhər və rayonlarında imtahanlar yalnız seçilmiş məktəblərdə aparılacaq. Həmin məktəblərdə imtahan nəticələri mərkəzləşdirilmiş qaydada yoxlanılmasa da, müəyyən nəzarət olacaq", deyə nazir bildirib.
Nazirin bildirdiyinə görə, bu addım gələn il bütün buraxılış sinif şagirdlərinin mərkəzləşdirilmiş qaydada imtahan verməsinə hazırlıq üçün atılıb.
