Azərbaycan, Şəki, 23 may / Trend , müxbir E.Quliyev/ Azərbaycanın şimal-qərbində yerləşən Şəki şəhərində əhali içməli su problemi ilə üzləşib. "Yay aylarında Şəki əhalisinin içməli suya tələbatı ödənilməyəcək" cümə günü Trend -a "Şəki Su Kanal" Açıq Tipli Səhmdar Cəmiyyətinin rəisi Bayram Məmmədov bildirib.
Trend -un arayışı: Şəkidə su təmizləyici qurğu 1960-64-cü illərdə istifadəyə verilib. 48 illik su təmizləyici qurğu əhalini tam su ilə təchiz etmək gücündə deyil.
Məmmədov deyib ki, su təmizləyici qurğunun gücünün az olması və avadanlıqların köhnəlməsi əhaliyə verilən içməli suyun tam ödənilməsində problem yaradır. "Məcburiyyət qarşısında qalaraq əhaliyə içməli suyu qrafiklə veririk. Hətta şəhərin bəzi yerlərinə üç gündən bir su verilir" Məmmədov əlavə edib.
Məqalə müəllifi ilə əlaqə ünvanı: [email protected]
