Azərbaycan, Bakı, 24 may /müx. TrendLife Safura
Xalq artisti İlhamə Quliyevanın anasının vəfatından sonra uzun müddət səhnəyə çıxmayacağı, Vətəni tərk edib, başqa ölkədə yaşayacağı barədə gəzən söz-söhbətlərə müğənninin mətbuat katibi Faiq Ələkbərli son qoymaq üçün TrendLife a açıqlama verib. Müğənninin müxtəlif telekanallardan sərasər dəvət aldığını deyən Faiq, İlhamə xanımın bu yaxınlarda artıq bir verlişə çəkildiyini bildirib. Yaxın həftələrdə tamaşaçılar İlhamə xanımın tale yollarına onun ilə birlikdə səyahət edə biləcəklər. Hələ bir müddət mahnı oxumayacağını deyən müğənni artıq mahnılar üzərində işləməyə başlayıb. Bir sıra bəstəkarlardan mahnılar alan xalq artisti yaxın günlərdə onların səsyazma studiyasında yazılışını da həyata keçirəcək. Müğənninin Azərbaycandan birdəfəlik getmək istəməsinin həqiqət olduğunu təsdiqləyən mətbuat katibi, qohumların onu bu fikirdən daşındırdıqlarını söylədi:
"Öz sözünü, sirrini anası ilə bölüşən, dərd sərini ona danışan İlhamə xanım üçün anasının yoxluğu ağlasığmazdır.Elə bu səbəbdən o Azərbaycanı tərk etmək istəyirdi. Amma yaxınları onu bu fikirdən daşındırdılar. İlhamə xanım iyun ayında Almaniyaya səfər edəcək. Bu sadəcə bir iş səfəri olacaq"deyən Faiq Ələkbərli, səfərdən sonra xalq artistinin klip çəkilişlərinə başlayacağını da söylədi. Vətənpərvər mahnıya klip çəkəcək rejissorun adını açıqlamaq istəməyən mətbuat katibi, klipin sujet xəttini də sirr saxladı. İlhamə Quliyeva haqqında ətraflı məlumat verən mətbuat katibi onun ilə İlhamə xanım arasında yaranan narazılığın da şayə adlandırdı. "Bizim ayrılmağımız barədə də söz söhbətlər gəzir. Mən artıq 5 ildir ki, İlhamə xanım ilə işləyirəm. Yeganə mətbuat katibiyəm ki, müğənni ilə iş müqaviləm var. Biz İlhamə xanım ilə bundan sonra da birlikdə çalışacağıq"deyən Ələkbərli müğənninin anasının "ili çıxandan" sonra onun şou proqramlara yenidən qatılacağını da əlavə etdi.
