Azərbaycan, Bakı, 26 may / Trend , müxbir T.Abbasov/ Rüşvətxorluqda günahlandırıln "Bakcell"in keçmiş menecerinin apellyasiya şikayəti üzrə bazar ertəsi məhkəmə prosesi keçirilib.
Saşko Tadarovski "Bakcell"in elan etdiyi tenderdə iştirak edən şirkətlərdən birini qalib elan etmək üçün həmin şirkətin rəhbərliyindən 10 min dollar rüşvət almaqda ittiham olunur. Bu ilin aprelində o, məhkəmənin hökmü ilə 8 il azadlıqdan məhrum edilib.
Bakı Apellyasiya Məhkəməsində keçirilmiş prosesdə Tadarovskinin vəkili Sabir İsmayılov vəsatət qaldıraraq hüquqlarını müdafiə etdiyi şəxsin cəmiyyət üçün ictimai təhlükə törətmədiyini əsas gətirərək, onun barəsindəki həbs qətimkan tədbirinin dəyişdirliməsini xahiş edib.
Məhkəmə vəsatəti təmin etməyib.
Sabiq menecer özünü elan olunmuş ittihamda təqsirli bilməyib və əməlinin Cinayət Məcəlləsinin şəxsən və ya vasitəçidən istifadə etməklə rüşvət vermə (312.1) maddəsi ilə tövsif olnmasını istəyib.
Proses mayın 30-da davam etdiriləcək.
Müəlliflə əlaqə saxlamaq üçün elektron ünvan - [email protected]
