Azərbaycan, Bakı, 27 may/ Trend , müxbir İ.Əlizadə/ Azərbaycan Ali Məhkəməsi keçmiş iqtisadi inkişaf naziri, hazırda həbsdə olan Fərhad Əliyev və onun qardaşı, "Azpetrol" Şirkətlər Qrupunun sabiq rəhbəri Rafiq Əliyevin vəkillərinin şikayətini təmin etməyib. Bu barədə çərşənbə axşamı Trend -a Əliyev qardaşlarının vəkili İsaxan Aşurov məlumat verib.
Ağır Cinayətlərə Dair İşlər üzrə Məhkəmənin hökmü ilə Fərhad Əliyev vəzifə səlahiyyətlərini aşma, dövlət əmlakını mənimsəmə və korrupsiyada ittiham olunaraq 10, Rafiq Əliyev isə 9 il müddətinə azadlıqdan məhrum ediliblər.
Əliyev qardaşları hazırda MTN təcridxanasında saxlanılırlar.
Vəkil qeyd edib ki, Apellyasiya Məhkəməsində məhkəmə istintaqının aparılması ilə bağlı şikayətə hakim Müzəffər Ağazadənin sədrliyi ilə baxılıb və şikayət təmin olunmayıb.
Məqalə müəllifi ilə əlaqə ünvanı: [email protected]
