Azərbaycan hökuməti narkomaniya ilə mübarizəyə 7 min manat ayırıb
Azərbaycan, Bakı, 18 iyul/ Trend , müxbir E.Əliyev/Azərbaycan gənclər və idman nazirliyi qeyri-hökumət təşkilatına narkomaniyaya qarşı mübarizə məqsədilə yeddi min manat məbləğində qrant ayırıb.
Pilot layihəsi Azərbaycanın Ağcabədi rayonunda həyata keçiriləcək.
Statistikaya əsasən, ölkədə 21 080 narkoman qeydə alınıb. Onların əsas hissəsini gənclər təşkil edir. Keçən illə müqayisədə, qeydə alınan narkomanların sayı 3 min nəfər artıb.
Ekspertlər bildirirlər ki, əslində, bu rəqəm xeyli yüksəkdir və Azərbaycanda narkomaniya ildən-ilə cavanlaşır.
