Azərbaycan, Bakı, 24 iyul / Trend , müxbir R.Ergün/ Azərbaycanın "Bakı" futbol klubu Sloveniyanın "Olimpiya" komandası ilə yoxlama oyununda heç-heçə edib. Bu barədə cümə axşamı Trend -a "Bakı" klubunun mətbuat xidməti məlumat verib.
Azərbaycan klubunun Sloveniyanın birinci liqasında çıxış edən komandası ilə görüşü 2:2 hesabı ilə nəticələnib. "Bakı"nın heyətində qolları yeni transfer olunan futbolçular - Draqan Naçevski və Georgi Xristov vurublar.
Hazırda Sloveniyada təlim-məşq toplanışında olan "Bakı"nın qarşıdakı günlərdə daha bir neçə yoxlama oyunu keçirəcəyi gözlənilir.
"Bakı" komandasının baş məşqçisi Makedoniyadan olan Qyoko Hacievskidir. O, qısa müddət Azərbaycan yığma komandasına da rəhbərlik edib.