Azərbaycan, Bakı, 24 sentyabr / Trend , müxbir K.Zərbalıyeva/ Azərbaycanın Ədalət Partiyasının sədri, millət vəkili İlyas İsmayılovun oğlu məhkəmə prosesində iştirakdan imtina edib.
Bu barədə çərşənbə günü telefonla Trend -a Etimad İsmayılovun vəkili Vladimr Boqomolov məlumat verib.
Etimad İsmayılov 2008-ci il martın 25 -də gecə Bakıdan Moskvaya qayıdarkən Rusiya Federal Təhlükəsizlik Xidmətinin əməkdaşları tərəfindən Domodedovo hava limanında saxlanılıb. İsmayılova qarşı Rusiya Cinayət Məcəlləsinin dələduzluq (159.4) və çirkli pulların yuyulması (274/1 4-cü hissəsi) maddələri üzrə ittiham irəli sürülüb.
Vəkil bildirib ki, Rusiyanın Çelyabinsk vilayət məhkəməsi milli və beynəlxalq qanunvericiliyi kobud şəkildə pozduğu üçün, hüquqlarını müdafiə etdiyi şəxs vəkillərinin də prosesdə iştirakından imtina edib. Ismayılov bundan sonra keçiriləcək bütün istintaq hərəkətlərində də iştirakdan imtina edib.
Boqomolov bu gün keçirilən prosesdə də buna görə iştirak etmədiyini deyib.
Vəkilin sözlərinə görə, məhkəmə prosesin təqsirləndirilən və vəkillərinin iştirakı olmadan keçirilməsi barədə qərar verib. Boqomolov bu halda prosesin davam etdirilməsini düzgün hesab etmir.
Müəlliflə əlaqə saxlamaq üçün elektron ünvan- [email protected]
