Azərbaycan, Bakı, 15 oktyabr / Trend , müxbir M. Əliyev/
\Azərbaycanda Amerika məktəblərində tamamilə ödənişsiz əsaslarla təhsil alma və orada yaşama imkanı verən mübadilə proqramına müsabiqə gələn həftədən etibarən başlayır, ABŞ səfirliyindən cümə axşamı Trend -a bildiriblər.
Qaliblər 2010-2011-cu il tədris ilində Amerikada təhsil almaq üçün Azərbaycanın müxtəlif regionlarından seçilir və gediş-gəliş bileti əldə etməklə yanaşı gündəlik vəsait üçün təqaüd də alacaqlar.
Müsabiqə bütünlüklə üç mərhələdən ibarətdir. İlk mərhələ altı şəhərdə yeddi müxtəlif tarixdə keçiriləcək. Sagirdlər 15 dəqiqəlik İngilis dili testindən imtahan verəcəklər, ikinci mərhələ adətən birinci mərhələ imtahanından sonrakı, növbəti gündə keçirilir
Bu il 1 yanvar 1993-ci il və 15 iyul 1995-ci il arasında anadan olmuş, hazırda 9-cu, 10-cu və 11-ci siniflərdə oxuyan, daha əvvəl 5 il müddətində 3 aydan artıq ABŞ-da yaşamayan və Azərbaycan vətəndaşı olan bütün şagirdlər proqramda iştirak edəcəklər. Fiziki cəhətdən zəif olan şagirdlər də müsabiqədə iştirak edə bilərlər.
Amerika Beynəlxalq Təhsil Şurası (ACTR/ACCELS) tərəfindən həyata keçirilən və Azərbaycan Təhsil Nazirliyi, eləcə də Amerika Dövlət Departamenti tərəfindən dəstəklənən FLEX proqramı 18 ildir ki, fəaliyyət göstərir.