Azərbaycan, Bakı, 03 noyabr / Trend , müxbir H.Bağırov/
Azərbaycanda bankdan başqasının adına götürdüyü pulu mənimsəməkdə ittiham olunan şəxsə hökm oxunub.
Trend -un məlumatına görə, Ağır Cinayətlərə Dair İşlər üzrə Məhkəmənin hökmü ilə Cinayət Məcəlləsinin külli miqdarda dələduzluq etmə (178.3.2) maddəsi ilə ittiham olunan Daməd Həsənova 7 il müddətinə azadlıqdan məhrumetmə cəzası verilib.
Həsənov Bakı şəhər sakini Sevinc Əliyevanın adından "NİKoil" bankından 60 min manat pul götürərək, sonuncunun evini qeyd olunan banka girov qoyub. Həsənov Əliyevanın adına bankdan götürdüyü pulu ona verməyib və mənimsəyib. Əliyevanın şikayəti əsasında Həsənov Nərimanov rayon Polis İdarəsinin 16-cı polis bölməsinin əməkdaşları tərəfindən tutulub.
Məqalə müəllifi ilə əlaqə ünvanı: [email protected]