Azərbaycan, Bakı, 06 noyabr / Trend , müxbir H.Bağırov/
İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan şəxslərə hökm oxunub.
Trend -un məlumatına görə, cümə günü Ağır Cinayətlərə Dair İşlər üzrə Məhkəmənin hökmü ilə İran vətəndaşı Rəfayyət Mikayiliyə 9 il, Nazim Fətiyevə 12 il azadlıqdan məhrumetmə cəzası verilib.
Məhkəmə Fətiyevin həbsdə olduğu müddətdə narkomaniyadan məcburi müalicə təyin edilməsi barədə qərar qəbul edib.
Təqsirləndirilən şəxslər Cinayət Məcəlləsinin qaçaqmalçılıq (206.3.2-ci), qanunsuz olaraq külli miqdarda narkotik vasitələri əldə etmə, saxlama, daşıma, göndərmə və satma (234.4.1 və 234.4.3-cü) maddələri ilə ittiham olunublar.
Onlar bu il fevralın 4-də Milli Təhlükəsizlik Nazirliyi əməkdaşlarının keçirdiyi əməliyyat tədbirləri nəticəsində tutulublar.
Məqalə müəllifi ilə əlaqə ünvanı: [email protected]
