Azərbaycan, Bakı, 8 aprel /Trend, müxbir M.Əliyev/
İranın paytaxtı Tehranda keçirilən taekvando üzrə 22-ci "Fəcr" beynəlxalq turnirində azərbaycanlı idmançı qızıl medal qazanıb.
74 kq çəki dərəcəsində mübarizə aparan Elvin Məmmədov finalda erməni rəqibi Levon Paşabezyana qalib gələrək fəxri kürsünün ən yüksək pilləsinə qalxıb.
Digər taekvandoçumuz Samir Aydınov (54 kq) isə beynəlxalq turnirin gümüş mükafatçısı olub. Azərbaycan turnirdə 11 taekvandoçu ilə təmsil olunur.
Turnirdə 13 ölkədən taekvandoçu iştirak edir.