Azərbaycan, Bakı, 18 iyun /Trend, müxbir T.Hacıyev/
Bakı və Sumqayıt şəhərlərinin orta məktəblərinin IX sinif şagirdləri cümə günü buraxılış imtahanı veriblər. Trend-in Təhsil Nazirliyinin mətbuat xidmətinə istinadən verdiyi məlumata görə, Bakı şəhəri üzrə 75 imtahan mərkəzində 37 410, Sumqayıt şəhəri üzrə 11 imtahan mərkəzində 5 069 şagird imtahan verib. Ümumilikdə, Bakı və Sumqayıt şəhərləri üzrə 86 imtahan mərkəzində 42 479 şagird imtahan verib.