Аzərbaycan, Qəbələ, 7 iyul /Trend, müxbir М.Əliyev/
Sentyabrda Xəzəryanı ölkələr tərəfindən ekologiya sahəsində sənədlər imzalanacaq, - bu barədə çərşənbə günü jurnalistlərə BMT-nin Ətraf Mühit Proqramının direktoru Kristof Buvye deyib.
"Sentyabrda beş Xəzəryanı ölkə Qazaxıstanda insan fəaliyyətinin ətraf mühitə təsiri ilə bağlı sənədlər imzalayacaq", - Buvye deyib.
Onun sözlərinə görə, Xəzəryanı ölkələr - Azərbaycan, Rusiya, Türkmənistan, Qazaxıstan, İran tərəfindən BMT-nin Ətraf Mühit Proqramı çərçivəsində konfrans təşkil olunacaq.
"Bu beş ölkə ümumi maraqlara malikdir və hal-hazırda sahilboyu mənbələrin çirklənməsi və biomüxtəliflik məsələləri müzakirə olunur", - Buvye bildirib.