Azərbaycan, Lənkəran, 11 aprel /Trend, müxbir P.Əliyeva/
Yaxın vaxtlarda Azərbaycan müəllimi öz layiqli qiymətini alacaq. Trend-in bölgə müxbirinin məlumatına görə, bunu təhsil naziri Misir Mərdanov Masallı rayonunun 4 saylı Digah tam orta məktəbində keçirilən elmi-praktik konfransda deyib.
Onun sözlərinə görə, hətta müəllimlər dövlət qulluqçusu sayıla bilər.
"Müəllimə 250-300 manat əməkhaqqı verməklə ondan çox şey tələb etmək olmaz", - Mərdanov qeyd edib.
Təhsil naziri bildirib ki, Azərbaycanda 2000-ci ildən təhsil sahəsində aparılan islahatlar artıq öz bəhrəsini verməkdədir. "Son illər respublikada 2000-dən çox məktəb tikilərək istifadəyə verilib. İstifadəyə verilən məktəblər bütün müasir avadanlıqlarla təmin olunub", - Mərdanov deyib.