Avropanın ən mükəmməl "Hilton" mehmanxanası Bakıda açılır

Avropanın ən mükəmməl "Hilton" mehmanxanası Bakıda açılır

Azərbaycan, Bakı, 5 oktyabr /Trend/

"Hilton Baku Hotel" 11 oktyabr 2011-ci il tarixində istifadəyə verilir.

Bu yaxınlarda "Turizm ili" çərçivəsində əlamətdar hadisələrdən biri baş tutacaq. Belə ki, üç il öncə təqribən eyni vaxtda Bakı şəhərində bir neçə mehmanxananın tikintisinə başlanılmışdı. Onlardan biri də "İSR Kapital İnvestment" şirkətinin "Hilton Baku Hotel" layihəsi idi. Artıq mehmanxana istifadəyə hazırdır. Bununla da "Hilton Baku Hotel" bu il "Turizm ili" ərzində açılacağı gözlənilən mehmanxanalar siyahısında ilk açılanlardan biri olur.

"Hilton Baku Hotel"in tikintisinə 2008-ci ildə başlanılmışdı. Mehmanxana ən yüksək texnologiyalardan istifadə edilərək tikilmiş və ağıllı idarəetmə sisteminə malikdir. Mehmanxananın işçi heyəti yerli və çoxlu sayda xarici peşəkarlardan formalaşdırılıb. Mehmanxana istifadə imkanları, xidmət keyfiyyəti və peşəkarlığı ilə Azərbaycanın qürur qaynağı olmağa iddia edir.

Bu əlamətdar açılış ilə bağlı daha geniş məlumat almaq üçün "İSR" şirkətlər qrupunun vitse-prezidenti və "İSR Kapital İnvestment" şirkətinin direktoru Zafer Tangil mövzu ilə bağlı suallara ətraflı cavab verib.

- Zafer bəy, "Hilton Baku Hotel"in açılışı ilə bağlı xəbər doğrudurmu?

- Bəli, qarşımızda duran bir çox çətinliklərə baxmayaraq, gəcə-gündüz işləyərək, 3 il əvvəl söz verdiyimiz kimi "Hilton Baku Hotel" mehmanxanasını 11 oktyabr 2011-ci il tarixində istifadəyə verəcəyik. Beləliklə, "Hilton Baku Hotel" açılması nəzərdə tutulan digər beynəlxalq mehmanxanalar siyahısında artıq irəlidədir.

- Xahiş edirəm, əvvəlcə mehmanxananın ərsəyə gəlməsinə qədər keçmiş müddətdən bəhs edərdiniz. Yəni, "Hilton Baku Hotel" mehmanxanasının tikintisi hansı mərhələlərdən keçib?

- 2007-ci ilin oktyabr ayında "İSR Kapital İnvestment" şirkəti ilə "Hilton" Mehmanxanaları Korporasiyası arasında idarəetmə müqaviləsi bağlandı. Daha sonra mehmanxananın tikildiyi yerdə mövcud olmuş, xalq arasında daha çox "İnturist" mehmanxanası kimi tanınmış köhnə "Azərbaycan" mehmanxanasının sökülməsinə başlanıldı. Söküntü işləri ilə bərabər "Hilton" Mehmanxanaları Korporasiyası ilə birgə mehmanxananın dizayn layihəsini işlədik. Eyni zamanda tikinti üçün tələb olunan maliyyə vəsaiti təmin edildi. "Yapı Kredi Bank Azərbaycan" ölkənin gələcəyinə olan inamını nümayiş etdirərək "İSR Kapital İnvestment" şirkətinə 86 milyon ABŞ dolları məbləğində kredit ayırdı. Yeri düşmüşkən, qeyd edim ki, bu maliyyələşdirmə Azərbaycanda kommersiya bankları tərəfindən özəl sektora verilmiş ən uzunmüddətli kreditlərdən biri kimi tarixə düşüb. 2008-ci ilin oktyabr ayında "Koray" inşaat şirkəti mehmanxananın tikintisinə başladı. Nəhayət, düz 3 ildən sonra inşaat işləri başa çatdı. Qeyd etdiyim kimi, artıq "Hilton Baku Hotel" istifadəyə hazırdır.

- Zafer bəy, ilin sonuna qədər Bakıda bir neçə mehmanxananın açılması planlaşdırılır. "Hilton Baku Hotel"i digərlərindən fərqləndirən üstün tərəfləri nədədir?

- Bəli, yaxın günlərdə bir neçə mehmanxananın açılacağı gözlənilir. Fəqət, bunun bizə təsir etməyəcəyini fikirləşirik. Çünki, "Hilton Baku Hotel" bir çox bənzərsiz xüsusiyyətlərinə görə digərlərindən fərqlənir. Qeyd edim ki, "Hilton Baku Hotel" həm imkanlarına, həm də texnologiyasına görə Avropada ən mükəmməl "Hilton" mehmanxanasıdır.

Əsas üstünlüklərimizdən biri "Hilton Baku Hotel" mehmanxanasının şəhərin tam mərkəzində, Bakının incisi olan Dənizkənarı Bulvarın kənarında yerləşməsidir. Mərkəzdə olmaqla bərabər, iş, ticarət, əyləncə və gəzinti məkanlarına da yaxın mövqedəyik. Xəzər dənizinə baxan mehmanxanamızın möhtəşəm mənzərəsinə də söz ola bilməz. Bakının panoraması ilə otelin xarici və daxili görünüşü ahəngdar şəkildə qurulub. Həmçinin mehmanxana əvvəlki Azərbaycan mehmanxanası binasının görkəminə uyğun dizayn edilib.

25 mərtəbədən və 309 otaqdan ibarət olan "Hilton Baku Hotel" mehmanxana xidmətindən başqa 4 restoranı, 3 barı, yığıncaq və sərgi salonları, biri 750 nəfərlik olmaqla 5 ədəd banket zalı və dünyada məhşur olan "Eforea" sağlamlıq mərkəzi ilə xidmət göstərəcəkdir. Həmçinin mehmanxanamızın məhşurluğu və bənzərsiz xidmətləri səbəbindən həmin binadakı mənzillərin də çoxu satılıb.

"Hilton Baku Hotel"in 25-ci mərtəbəsi mehmanxananın ən cazibədar məkanıdır. "Roof Bar"-ın fəaliyyət göstərəcəyi bu məkanın ən böyük xüsusiyyəti mərtəbənin döşəməsinin gün boyunca 360 dərəcə dönərək qonaqlara Bakının panoramasını izləmələrinə imkan verməsidir.

"Hilton" mehmanxanalarının dünya üzrə təklif etdiyi xidmətlərin keyfiyyəti çoxuna yaxşı məlumdur. "Hilton Baku Hotel" də bütün qonaqlarına həmin yüksək keyfiyyəti verərək, turizm və mehmanxana sahəsində ən vacib amil olan "Müştəri məmnuniyyətinə" nail olacaq.

- Siz artıq neçə ildir Bakıdasınız. "İSR" şirkətlər qrupunun vitse-prezidenti olaraq bir çox vacib və uğurlu layihələri həyata keçirmisiniz. Digərlərinə baxanda "Hilton Baku Hotel" barədə nə demək istəyərdiniz?

- 1995-ci ildə "İSR" şirkətlər qrupu fəaliyyətə başladığı gündən etibarən onun layihələrinin həyata keçirilməsinə başçılıq etməkdəyəm. Bu layihələr arasında "İSR Plaza", "Park İnn Hotel", "Radisson Hotel", "Nərgiz Ticarət Mərkəzi" və bunun kimi bir neçə layihənin tikilməsindən idarə edilməsinə qədər hər mərhələsində böyük rolum olub. Hələlik son layihəmiz olan "Hilton Baku Hotel"i bundan əvvəlki layihələrimizin başına bir tac qoymaq kimi görürəm.

- Siz "Hilton Baku Hotel" mehmanxanasının istifadəyə verilməsini Azərbaycana gələcək turistlərin sayının artmasına təsiri baxımından necə şərh edərdiniz?

-"Hilton Baku Hotel" mehmanxanasının fəaliyyət göstərməsinin Azərbaycan iqtisadiyyatına xeyli kömək edəcəyinə və ölkəyə gələn turistlərin sayının artmasına şərait yaradacağına əminəm. Xüsusilə, ABŞ, Yaponiya və Avropa ölkələrindən olan turistlərin tanımadıqları ölkələrə gedəcəkləri zaman qalacaqları otellərdə xoşagəlməz hallarla qarşılaşmamaq üçün dünya miqyasında tanınan marka otelləri seçirlər. Həmin turistlərin çoxu gedəcəkləri ölkədə "Hilton" mehmanxanasının olmasını çox arzu edirlər, hətta elə turistlər vardır ki, onlar yalnız "Hilton" mehmanxanasıda qalmaq istəyirlər. Həmçinin, bir çox təşkilatlar və insanlar təntənəli mərasimlərini "Hilton" mehmanxanasında keçirməyə üstünlük verirlər. Bu baxımdan hesab edirəm ki, "Hilton" mehmanxanasının istifadəyə verilməsi Azərbaycanın turizm və mehmanxana sahəsində yeni səhifə açacaq və daha tələbkar turistlərin ölkəyə cəlb edilməsinə böyük töhfə verəcəkdir.

- Zafer bəy, gələcəkdə də "İSR" şirkətlər qrupu turizm sahəsinə sərmayələrini qoymaq niyyətindədirmi?

- 1995-ci ildən fəaliyyət göstərən və turizm sahəsində uğurlu layihələri ilə tanınan "İSR" şirkətlər qrupu fəaliyyət dairəsini davamlı olaraq genişləndirir. Bakıdakı 3 mehmanxanadan başqa, "İSR" şirkətlər qrupu bu yaxınlarda Türkiyədə 2 mehmanxana əldə edərək idarə etdiyi mehmanxanaların sayını 5-ə çatdırıb. Alınmış mehmanxanalardan biri Türkiyənin yay cənnəti sayılan Bodrum şəhərinin ən böyük turizm təsislərindən biridir, digəri də Türkiyənin ilk 7 ulduzlu mehmanxanasıdır. Ümumiyyətlə, Bakı şəhərinin mərkəzində biznes mərkəzlərinin, yaşayış komplekslərinin və mehmanxanaların tikilməsi "İSR" şirkətlər qrupunun perspektiv planında əsas yer tutur. Hazırda "İSR" şirkətlər qrupu Azərbaycanda və Türkiyə ərazisində turizm məkanları və sərmayə imkanları ilə maraqlanmaqdadır. Diqqətimizi cəlb edən yerlər və layihələr olarsa bu sahəyə sərmayə qoymaqdan çəkinməyəcəyik.

- Bir iş adamı kimi Azərbaycanda biznes mühitini və turizmin gələcəyini necə görürsünüz?

- Azərbaycanda çalışdığım 16 illik biznes həyatımda hər gün müsbət istiqamətdə böyük dəyişikliklərin baş verdiyini müşahidə edirəm. Azərbaycan Respublikasının Prezidenti cənab İlham Əliyevin qeyri-neft sahəsinə göstərdiyi qayğı, xüsusilə turizm sahəsinin inkişafı üçün qəbul edilmiş dövlət proqramları gələcəkdə Azərbaycanı önəmli bir turizm mərkəzinə çevirəcəkdir. Əlverişli iş mühitindən faydalanan iş adamları Azərbaycanda yeni mehmanxanalar tikirlər. Turizmlə bağlı infrastrukturun inkişaf etməsi, yeni mehmanxana, restoran, əyləncə və istirahət mərkəzlərinin açılması paytaxt Bakıya səfər təşkil edən hava yollarının da sayını gündən-günə artırmaqdadır. Mən əminəm ki, turizm sahəsinin inkişaf etməsi Azərbaycanın sosial, tarixi və mədəni zənginliklərinin dünya tərəfindən kəşf edilməsinə imkan yaradacaqdır.

- Müsahibəmizin sonunda oxucularımızın daha yaxından tanış olmaları üçün "İSR Kapital İnvestment" şirkətinin də daxil olduğu "İSR" şirkətlər qrupu haqqında məlumat verərdiniz.

- "İSR" şirkətlər qrupu 15 ildir ki, fəaliyyət göstərir. Qrupun təsisçisi və Prezidenti yerli və xarici bazarlarda biznesin müxtəlif sahələrində böyük sahibkarlıq fəaliyyəti təcrübəsinə malik olan cənab İsgəndər Xəlilovdur. Şirkətlər qrupuna istehsal, xidmət, ticarət və nəqliyyat sektorlarını təmsil edən 20-yə yaxın şirkət daxildir. Bunlardan "Bakı Əyləncə Mərkəzi"nin, "Nərgiz Ticarət Mərkəzi"nin, Tayota Bakı Mərkəzinin, "İSR Residence-I" və "İSR Residence- II" elit yaşayış komplekslərinin, Bakı Avtomobil Bazarının, "Azər-Yod" yod-brom zavodunun, "Park İnn Azərbaycan Hotel"nin, "ISR Plaza"nın, "Radisson Hotel"in və 11 oktyabrda istifadəyə veriləcək "Hilton Baku Hotel" mehmanxanasının adlarını çəkə bilərəm. Şirkətlər qrupu hazırda 1000-dən artıq insana işləmək imkanı yaratmışdır. Qrupa daxil olan şirkətlər daima Azərbaycanın iqtisadi inkişafında mühüm rol oynayan iri sərmayə qoyuluşlarını həyata keçirirlər. "İSR" şirkətlər qrupunun müəssisələri ölkənin özəl sektorunda iri vergi ödəyiciləridir.

Britaniya şirkəti Qarabağda yataqların kəşfiyyat işlərini aparacaq
Britaniya şirkəti Qarabağda yataqların kəşfiyyat işlərini aparacaq
Qarabağın dirçəlişinə dəstək həyat tərzinə çevrilməlidir - Mikayıl Cabbarov
Qarabağın dirçəlişinə dəstək həyat tərzinə çevrilməlidir - Mikayıl Cabbarov
"Ford" 3 milyona yaxın avtomobili geri çağırıb
"Ford" 3 milyona yaxın avtomobili geri çağırıb
Loading Bars
Xəbər lenti
İtaliyada koronavirusdan ölənlərin sayı 85 min nəfəri ötüb
Portuqaliyada prezident seçkiləri keçiriləcək
Britaniyada bir sutkada koronavirusdan 1 348 nəfər ölüb
Çili sahillərində 7 bal gücündə zəlzələ olub
Kolumbiyada koronavirusa yoluxanların sayı 2 milyon nəfəri ötüb
Türkiyədə koronavirusdan sağalanların sayı 2,3 milyon nəfəri ötüb
Bakıda çoxmərtəbəli yaşayış binasında yanğın olub
Ceyhun Bayramov və Mevlüt Çavuşoğlu dəniz quldurlarının Türkiyəyə məxsus gəmiyə hücumunu müzakirə ediblər
Fransada 1 milyon nəfər koronavirusa qarşı peyvənd olunub
Qvineya sahillərində dəniz quldurları Türkiyəyə məxsus gəmini ələ keçiriblər, bir nəfər öldürülüb
Lənkəranda 14 yaşlı oğlan itkin düşüb, FHN axtarışlara başlayıb
Prezident İlham Əliyevin iqtisadi strategiyasının növbəti uğuru: "Dostluq" anlaşması - Həftənin Hadisəsi
Xızıda qarlı yolda köməksiz vəziyyətdə qalan şəxslər xilas edilib
ÜST: Dünyada koronavirusa yoluxanların sayı 600 mindən çox artıb
Nizami küçəsinin daimi "sakinləri": Karantin rejimi bir onlara təsir etməyib (VİDEO)
Nigeriyada qaz daşıyan avtomobil partlayıb, 30 nəfər ölüb
Prezident İlham Əliyev xalq artisti Eldar Quliyevi 80 illik yubleyi münasibətilə təbrik edib
Prezident İlham Əliyev Eldar Quliyevi “İstiqlal” ordeni ilə təltif edib
İspaniyada zəlzələ nəticəsində 1 nəfər xəsarət alıb
İran Fars körfəzində təhlükəsizlik və neft mövzularında ABŞ ilə əməkdaşlıq edə bilər - Zərif
Amerikalı telejurnalist Larri Kinq vəfat edib
Qətərdə koronavirusa yoluxanların sayı 150 min nəfərə çatır
Əlahiddə Ümumqoşun Orduda bir qrup hərbi qulluqçuya vaxtından əvvəl və növbəti hərbi rütbələr təqdim edilib (FOTO/VİDEO)
Şuşaya qalib kimi gəlmişik - Fərhad Bədəlbəyli və Polad Bülbüloğlu Şuşada (ÖZƏL)
Şahbuz rayonunda zəlzələ olub
Kamal Abdullanın “Yarımçıq əlyazma” romanı Almaniyada çap olunub (FOTO)
Məişətdə yanğın baş verməməsi üçün nə edilməlidir? - FHN
Kəlbəcər rayonunun Qamışlı kəndi (FOTO/VİDEO)
Azərbaycanda 705 nəfər COVID-19-dan sağalıb, 162 nəfər yoluxub, 8 nəfər vəfat edib
Heydər Əliyev Fondunun dəstəyi və “Bravo” supermarketlər şəbəkəsinin təşkilatçılığı ilə Qubadlı və Xocavənddə hərbiçilərimizə zəruri ərzaq məhsulları göndərilib (VİDEO)
Prezident İlham Əliyev Volodimir Zelenskiyə başsağlığı verib
Səfərbərlikdən tərxis edilmiş şəxslərlə bağlı komissiyaya 5 298 vətəndaş müraciət edib
“Vikipediya”nın alman dili bölməsində Azərbaycanla bağlı məqalələr yaradılır
Dövlət Neft Şirkətinin Müşahidə Şurasının tərkibi təsdiqləndi
Qlobal səviyyədə Komiks və Karikatura Yarışmasına start verilir
Qaradağ rayonunda böyük iməcilik keçirildi (FOTO)
Dövlət Neft Şirkətinin idarə edilməsi təkmilləşdirilir: Müşahidə Şurası yaradıldı - FƏRMAN
Azərbaycan Həmkarlar İttifaqları Konfederasiyası “Qarabağ Dirçəliş Fondu”na 100 min manat vəsait köçürüb
Tərtərdə karantin rejimini pozan çayxana aşkarlanıb
İsmayıl Hacıyev “Şöhrət” ordeni ilə təltif edildi
Evlərdən pul və qızıl-zinət əşyaları oğurlayan şəxs tutulub
ABŞ sakini lotereyada 1 milyard dollar udub
2 783 şəhidin 7 127 ailə üzvünə sosial ödənişlər təyin olunub
İranda 6 mindən çox şəxs koronavirusa yoluxub
Bakı aeroportunda qızıl qaçaqmalçısı tutuldu (FOTO) (VİDEO)
Vəzifəli şəxsin qanunsuz hərəkətləri ilə bağlı cinayət işi başlandı
Daha bir qanun layihəsi Milli Məclisin plenar iclasına tövsiyə olundu (FOTO)
Azərbaycanda yeni qanun layihəsi hazırlanır
Cəbrayıl rayonunun Aşağı Maralyan kəndi (FOTO)
Paytaxtda təmizliklə bağlı iməclik keçirilib (FOTO)
Erməni vandalizminin son həddi: Talan olan Zəngilan - Trend TV-nin REPORTAJI
Türkiyədə Rusiya vaksini istehsal ediləcək
"Dostluq" yatağının birgə işlənməsi kommersiya və texniki baxımdan cəlbedici olacaq - "Wood Mackenzie"
Gürcüstan XİN rəhbərinin müavini 20 Yanvar şəhidlərinin xatirəsini Azərbaycan Səfirliyində yad edib
Aztəminatlı tələbələrə təhsil kreditlərinin faizsiz verilməsi nəzərdə tutulur - Nazir
Azərbaycanın strateji valyuta ehtiyatları 50 milyard dollara çatır
Fikrim ictimaiyyətə fərqli formada təqdim edilib - Emin Əmrullayev
22 kiloqramdan artıq narkotik vasitə qanunsuz dövriyyədən çıxarılıb (FOTO/VİDEO)
"Standard & Poor's" agentliyi Azərbaycanın kredit reytinqi üzrə proqnozu yüksəldib
Şagirdlərin milli qiymətləndirilməsinin aparılması nəzərdə tutulur
"Torqovı"nun bağlı qalan obyektləri açılış gününü gözləyir (FOTO)
Azərbaycan nefti ucuzlaşır
Rusiyada koronavirusa 30 minə yaxın yeni yoluxma olub, 559 nəfər ölüb
Pandemiyada ölüm hallarının qarşısının alınması ilə bağlı layihənin ilk koordinasiya görüşü keçirilib
DİN sosial şəbəkə istifadəçilərinə dələduzlarla bağlı müraciət edib
Məmurlar dürüst, xalqına, dövlətinə sadiq və peşəkar xüsusiyyətlərə malik olmalıdır - Hikmət Hacıyev
Müharibə zamanı dağıdılan məktəblərlə bağlı qərarlar üzərində işlənilir - Nazir
“Yüksəliş” müsabiqəsi Hikmət Hacıyevin təqdimatında vebinar təşkil edib (FOTO)
Bazar günü hava yağmursuz keçəcək, 8 dərəcə isti olacaq
Rus hərbçisi Ermənistanda qəzaya düşüb öldü
Cəlilabadda qadın əri tərəfindən öldürüldü
Qarabağın iqlim və relyefi müxtəlif turizm məhsullarının inkişafına imkan yaradır - Turizm Bürosu
Müharibənin təsirindən psixoloji travma alan şəxs ən kiçik hadisədən aqressivləşib özünə zərər yetirə bilər - Psixoloq TÖVSİYƏLƏRİ
KOBİA və TÜMKİAD arasında anlaşma memorandumu imzalanıb (FOTO)
Ötən il Azərbaycanda istehsal edilən minik avtomobillərinin sayı açıqlanıb
Qonşusunu evində boğaraq qətlə yetirən 18 yaşlı gənc tutulub
Hindistanda bir gündə rekord sayda şəxs peyvənd olunub
Qanunsuz ov edən şəxs cəzalandırılıb
Azərbaycanda bu şəxslərə də hərbi xidmətdən möhlət veriləcək
Məktəblər açılır, metronun fəaliyyəti bərpa oluna bilərmi? - AÇIQLAMA
AMEA-da direktor və direktor müavini nöqsanlara görə işdən azad edilib
Daşkəsəndə qanunsuz silah saxlayan şəxslər aşkarlanıb
“Keşikçidağ”da tunc dövrünə aid insan qalıqları aşkar edilib (FOTO)
Döyüş zamanı yoldaşının canı sənə əmanət olur – Vətən müharibəsinin iştirakçısı (FOTO)
Millət vəkili Arzu Nağıyev Tovuz və Gədəbəydə şəhid ailələri ilə görüşüb, məzarlarını ziyarət edib (FOTO)
Türkiyə Braziliyadan uçuşları dayandırır
Belçika koronavirus əleyhinə tədbirləri sərtləşdirilir
Vaşinqtonda yüzlərlə milli qvardiyaçı koronavirusa yoluxdu
Pentaqonun yeni rəhbəri NATO-nun ABŞ üçün əhəmiyyətini vurğuladı
Meksika və ABŞ prezidentləri əməkdaşlığın inkişafını müzakirə ediblər
Kolumbiyanın şərqində neft boru kəməri partladılıb
Vaşinqtonda “20 Yanvar” şəhidlərinin əziz xatirəsi anılıb (FOTO)
İsveçrə məhkəməsi İsrailli iş adamını həbs etdi
ABŞ-da iqtisadi böhran dərinləşir - Bayden
Koronavirus dondurulmuş qida paketlərinin üstundə qala bilər - ÜST
ABŞ KXDR-ə qarşı yeni strategiya hazırlayacaq
ÜST: Dünyada ötən sutka koronavirusa 624 mindən çox yoluxma qeydə alınıb
Finnair sərnişinlərdən koronavirus testinin nəticələrini tələb edəcək
FK "Barselona" keçmiş baş məşqçi Setyenə təzminat ödəməyəcək
ABŞ-da iqtisadiyyatı stimullaşdırmaq üçün təcili tədbirlər görülməlidir
Bütün xəbərlər