...

Təhsil Nazirliyinin bir məktəbi Dövlət Sərhəd Xidmətinin tabeliyinə verilib

Cəmiyyət Materials 14 Oktyabr 2011 17:46 (UTC +04:00)
Nazirlər Kabineti Təhsil Nazirliyinin Oğlanlar üçün Açıq tipli xüsusi məktəbinin Dövlət Sərhəd Xidmətinin tabeliyinə verilməsi haqqında qərar verib.
Təhsil Nazirliyinin bir məktəbi Dövlət Sərhəd Xidmətinin tabeliyinə verilib

Azərbaycan, Bakı, 14 oktyabr /Trend müxbir İ.İsabalayeva/

Azərbaycan Nazirlər Kabineti Təhsil Nazirliyinin Oğlanlar üçün Açıq tipli xüsusi məktəbinin Dövlət Sərhəd Xidmətinin tabeliyinə verilməsi haqqında qərar verib.

Nazirlər Kabinetindən cümə günü Trend-ə verilən məlumata görə, bu qərar "Dövlət əmlakının qorunub saxlanılması və səmərəli istifadə edilməsinin təkmilləşdirilməsi haqqında" Azərbaycan Prezidentinin 2007-ci il 6 iyun tarixli fərmanı ilə təsdiq edilmiş "Azərbaycan Respublikasında dövlət əmlakının idarə edilməsinin təkmilləşdirilməsi üzrə Dövlət Proqramı"nın 6.4-cü bəndinə əsasən və Azərbaycan Dövlət Sərhəd Xidmətinin Təhsil Nazirliyi ilə razılaşdırılmış təklifi nəzərə alınmaqla verilib.

Qərarda göstərilir ki, Təhsil Nazirliyinin balansında olan, Bakı şəhəri, Xəzər rayonu, Mərdəkan qəsəbəsi, R.Qasımov küçəsi, 5 ünvanında 4,2 ha torpaq sahəsində yerləşən Oğlanlar üçün Açıq tipli xüsusi məktəb ona məxsus əmlakla birlikdə Dövlət Sərhəd Xidmətinin balansına verilsin və Xüsusi Məktəb adlandırılsın.

Xəbər lenti

Xəbər lenti