Azərbaycan, Bakı, 1 noyabr /Trend, müxbir K.Zərbalıyeva/
Baş Prokurorluğun idarə rəisi təqaüdə göndərilib.
Milli Təhlükəsizlik və Fövqəladə Hallar nazirlikləri, Dövlət Sərhəd Xidmətinin istintaq, təhqiqat və əməliyyat-axtarış fəaliyyətində qanunların icrasına nəzarət İdarəsinin rəisi Çingiz Məmmədov prokurorluq orqanlarında qulluqda olmanın son yaş həddinə çatması ilə əlaqədar təqaüdə göndərilib.
Baş Prokurorluğun mətbuat xidmətindən Trend-ə məlumatı təsdiqləyiblər. Həmin idarənin rəisi vəzifəsinə hələlik yeni təyinat yoxdur.
Prokurorluq orqanlarında qulluqda olmanın son yaş həddi 60 yaş müəyyən olunub.