Azərbaycan, Bakı, 24 dekabr / Trend, müxbir K.Zərbalıyeva/
Bakıda daha bir yol bağlanıb.
Bakı şəhər Dövlət Yol Polisi İdarəsinin bölmə rəisi Vaqif Əsədov şənbə günü Trend-ə bildirib ki, Azadlıq prospektinin Vaqif küçəsi ilə kəsişməsindən Bakıxanov küçəsi ilə kəsişməsinə qədər olan hissəsi asfalt örtüyünün çəkilməsi ilə əlaqədar bu gündən müvəqqəti bağlanıb.
Qeyd edək ki, bundan öncə Azadlıq prospektinin Ceyhun Hacıbəyli küçəsi ilə kəsişməsindən Vaqif küçəsi ilə kəsişməsinə qədər olan hissəsi də bağlanmışdı.
İdarə sürücülərə alternativ yollardan istifadə etməyi tövsiyə edir.