...

Azərbaycanın turizm potensialı Almaniyada təbliğ edilir

Cəmiyyət Materials 14 Yanvar 2012 11:01 (UTC +04:00)
Azərbaycan Mədəniyyət və Turizm Nazirliyi ölkənin bır sıra turizm şirkətləri ilə birgə Almaniyanın Ştuttqart şəhərində bu gündən keçirilməyə başlanan “CMT 2012” beynəlxalq turizm sərgisində iştirak edir.
Azərbaycanın turizm potensialı Almaniyada təbliğ edilir

Azərbaycan, Bakı, 14 yanvar / Trend müxbir İ.İsabalayeva/

Azərbaycan Mədəniyyət və Turizm Nazirliyi ölkənin bır sıra turizm şirkətləri ilə birgə Almaniyanın Ştuttqart şəhərində bu gündən keçirilməyə başlanan "CMT 2012" beynəlxalq turizm sərgisində iştirak edir.

Trend-in şənbə günü Mədəniyyət və Turizm Nazirliyinin saytına istinadən verdiyi məlumata görə, sərgidə ölkəmizin turizm potensialının təbliğ olunması məqsədilə 24 kv/m sahədə Azərbaycanın lövhəsi quraşdırılıb. Sərgiyə gələn ziyarətçi və iştirakçılara paylanması üçün alman, ingilis dillərində 30 adda müxtəlif növ reklam-çap məhsulları və digər təbliğat materialları hazırlanıb.
Azərbaycan ötən il də "CMT" beynəlxalq turizm sərgisində iştirak edib. Bu ilki tədbirdə ölkəmiz ilə yanaşı 100-ə yaxın ölkə iştirak edir.

Azərbaycan turizminin Almaniya turizm bazarında tanıdılması və bu ölkədən turistlərin cəlb olunması məqsədilə 2012-ci ildə Mədəniyyət və Turizm Nazirliyi Ştuttqart sərgisindən əlavə martın 7-11-də Berlində keçiriləcək "İTB 2012" beynəlxalq turizm sərgisində də iştirak etməyi planlaşdırır.

Xəbər lenti

Xəbər lenti