Azərbaycan, Bakı, 28 mart /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) dövlət qulluğuna işə qəbul üçün imtahan vermək istəyən 664 nəfərin bu qurum tərəfindən ali məktəblərə keçirilmiş qəbul imtahanlarında iştirak etmədiyini aşkarlayıb. Trend-in məlumatına görə, bunu çərşənbə günü "Tələbə-məzun dövlət elektron məlumat sistemi"nin təqdimatında çıxış edən TQDK sədri Məleykə Abbaszadə deyib.
Onun sözlərinə görə, müxtəlif idarə, təşkilatlar və nazirliklər tərəfindən TQDK-ya daxil olan məktublar əsasında ali məktəbi bitirdiyini bildirən, lakin TQDK tərəfindən keçirilmiş imtahanlarda heç bir ali məktəbə daxil olmayan 734 nəfər müəyyən olunub.
Abbaszadə bildirib ki, 2005-ci ildən TQDK ali məktəblərin magistratura səviyyəsinə qəbul imtahanları keçirir. Ötən dövr ərzində magistraturaya sənəd verənlərdən 2917 nəfərin TQDK-nın xətti ilə ali məktəblərə qəbul olmadığı aşkarlanıb.
Qeyd edək ki, Tələbə Qəbulu üzrə Dövlət Komissiyası ölkə Prezidentinin sərəncamı ilə hazırlanmış "Tələbə-məzun dövlət elektron məlumat sistemi"nin təqdimatını keçirib. Sistemdə 1992-2011-ci illər ərzində ali məktəblərə imtahan vermiş 1 978 226 nəfər haqqında məlumat var.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
