Azərbaycan, Bakı, 29 iyun /Trend, müxbir İ.İsabalayeva/
Tələbə Qəbulu üzrə Dövlət Komissiyası ali təhsil müəssisələrinin magistraturalarına ixtisas seçiminə ayrılmış vaxtı uzadıb.
Komissiyadan cümə günü Trend-ə verilən məlumata görə, ixtisas seçiminə ayrılmış vaxt iyunun 30-u saat 12:00-dək uzadılıb.
İndiyədək 500 nəfərə yaxın bakalavr ixtisas seçimi aparıb, lakin elektron ərizələrini təsdiq etməyiblər.
Həmin bakalavrlar qeyd olunan müddətədək elektron ərizələrini təsdiq etməlidirlər. Əks halda onlar müsabiqəyə buraxılmayacaqlar.