Azərbaycan, Bakı, 31 iyul / Trend müxbir K.Zərbalıyeva/
Bakıda ötən gün 5 nəfər qidadan zəhərlənib.
Bakı Şəhər Təcili və Təxirəsalınmaz Tibbi Yardım Stansiyasından Trend-ə verilən məlumata görə, onlardan 4 nəfəri xəstəxanaya yerləşdirilib.
Zəhərlənmələrin 4-ü qarışıq qidadan, 2-si isə köhnə qidadan baş verib.
Ötən gün 1 günvurma hadisəsi qeydə alınıb. Qaradağ rayonu Lökbatan qəsəbəsində 34 yaşlı qadını gün vurub. Ona ilkin tibbi yardım göstərilib.
Şüvəlan çimərliyində batmaq təhlükəsi ilə üzləşən 46 yaşlı kişi xilas olunub. Ona ilkin tibbi yardım göstərildikdən sonra 3 saylı Klinik Xəstəxanaya aparılıb.