...

Bakıdakı meteohəssas insanlara xəbərdarlıq

Cəmiyyət Materials 30 Avqust 2012 12:19 (UTC +04:00)
Nazirliyin mətbuat xidmətindən cümə axşamı Trend-ə verilən məlumata görə, sentyabrın 3-dək Abşeron yarımadasında davamlı xəzri küləyinin gətirdiyi sərinlik müsbət amil olsa da, güclü külək meteohəssas insanlar üçün əsasən əlverişsiz hesab edilir.
Bakıdakı meteohəssas insanlara xəbərdarlıq

Azərbaycan, Bakı, 30 avqust /Trend, müxbir İ.İsabalayeva/

Ekologiya və Təbii Sərvətlər Nazirliyi meteohəssas insanlara yenidən xəbərdarlıq edir.

Nazirliyin mətbuat xidmətindən cümə axşamı Trend-ə verilən məlumata görə, sentyabrın 3-dək Abşeron yarımadasında davamlı xəzri küləyinin gətirdiyi sərinlik müsbət amil olsa da, güclü külək meteohəssas insanlar üçün əsasən əlverişsiz hesab edilir.

Bakıda və Abşeron yarımadasında avqustun 31-də hava şəraitinin əsasən dəyişkən buludlu, yağmursuz keçəcəyi gözlənilir. Güclü şimal-qərb küləyi əsəcək.

Havanın temperaturunun gecə 19-23, gündüz 26-30 dərəcə isti olacağı gözlənilir.

Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 24-25, Buzovna, Mərdəkan, Şüvəlanda 25-26, Türkan, Hövsan, Şıx, Sahildə 26-27 dərəcə isti olacaq.

Azərbaycanın rayonlarında avqustun 31-də hava şəraitinin gün ərzində əsasən yağmursuz keçəcəyi, lakin gecə və axşam bəzi dağlıq və dağətəyi rayonlarda şimşək çaxacağı, qısamüddətli yağış yağacağı gözlənilir. Arabir güclənən qərb küləyi əsəcək.

Havanın temperaturu gecə 18-23, gündüz 28-33, dağlarda gecə 9-14, gündüz 18-23 dərəcə isti olacaq.

Xəbər lenti

Xəbər lenti