Azərbaycan, Bakı, 26 sentyabr /Trend/
Sentyabrın 26-27-də Bakının Xətai, Nizami, Sabunçu və Suraxanı rayonlarının bəzi yerlərinə içməli suyun verilməsində məhdudiyyətlər olacaq. Bu barədə Trend-ə "Azərsu" ASC-nin mətbuat xidmətindən məlumat verilib.
Məhdudiyyətlər istehlakçıların içməli su təchizatının daha da yaxşılaşdırılması məqsədi ilə "+ 69 Şərq" su anbarında əsaslı yenidənqurma və genişləndirmə işlərinin aparılması ilə əlaqədardır.
Yaranmış narahatlıqla əlaqədar "Azərsu" ASC abonentlərdən üzr istəyir.