Azərbaycan, Bakı, 28 oktyabr /Trend, müxbir M.Əliyev/
Bakıda keçirilən "City Challenge" yarışları çərçivəsində tarixi "Formula 1" yarışmasının final mərhələsi zamanı braziliyalı Abba Kogan idarə etdiyi March 761 avtomobilini qəzaya uğradıb.
Trend-in məlumatına görə, qəza zamanı yanğın baş verib. Pilot vaxtında avtomobili tərk etdiyindən, xəsarət qeydə alınmayıb.
Yarıç zamanı pilotlar 20 dairəni həyata keçirməliydi. Qəza nəticəsində yarıç müvəqqəti dayandırılıb. Avtomobil yarış zonasından götürüldükdən sonra yarış davam etdiriləcək.
"City Challenge" yarışının 2,1 km uzunluğundakı yarış zolağı Hökumət Evi ətrafındadır. Yarışda 13 komanda olmaqla hər komandanı 2 sürücü-pilot təmsil edir. Yarışda bütün təhlükəsizlik qaydaları beynəlxalq standartlara və yerli avtoidman federasiyasının tələblərinə uyğun tətbiq olunur.
Yarışı dünyanın 120 ölkəsində 300 milyona qədər insan izləyir və bütün diqqət Bakıya yönəlib.