Azərbaycan, Bakı, 7 dekabr /Trend, müxbir K.Zərbalıyeva/
Azərbaycanda daha iki rayona prokuror təyin edilib.
Baş Prokurorluğun mətbuat xidmətinin rəhbəri Eldar Sultanov Trend-ə bildirib ki, Baş prokuror Zakir Qaralovun müvafiq əmrləri ilə Bakı şəhər prokurorluğunun Prokurorluqda istintaqa nəzarət şöbəsinin rəisi Seyfəddin Abdullayev tutduğu vəzifədən azad edilərək Ağdaş rayon, Salman Səmədov isə Ağcabədi rayon prokuroru vəzifələrinə təyin ediliblər.
Qeyd edək ki, bu vəzifəyə təyin olunana qədər Səmədov Lerik rayon prokuroru olub. Səlahiyyət müddəti başa çatdığı üçün o, Baş Prokurorluğun sərəncamına götürülmüşdü.