Azərbaycan, Bakı, 1 mart /Trend/
"Preffered Partner Gold HP specialist" statusuna malik olan "Ultra" şirkəti 2013-cü il fevral ayının 1-də şəbəkə texnologiyaları sahəsində lider olan HP şirkəti tərəfindən Registered Networking Specialist (RNS) statusuna layiq görülüb.
RNS statusuna yalnız "HP Prefferred Partner" proqramının iştirakçıları sahib ola bilər, bu da "ULTRA" şirkətinin şəbəkə texnologiyaları sahəsində peşəkar təcrübəyə malik olmasından xəbər verir.
RNS statusuna malik mütəxəsssislər əsasən, böyük və orta biznes üçün xidmət həllərinin satışına diqqət ayırır, alıcılara öz bizneslərinin intensiv inkişafı üçün işlənib hazırlanmış təhlükəsiz və sərfəli məhsulları təklif edirlər. Hewlett-Packard üzrə ixtisaslaşma HP xidmət həlləri və məhsulları ilə işləmə bacarığını nümayiş etdirir.
"ULTRA" şirkətinin status əldə etməsi sayəsində istehlakçılar HP- nin texniki dəstəyindən, həmçinin, HP yüksək keyfiyyətli məhsullarına endirim əldə edə bilərlər.
Qeyd edək ki, "ULTRA" şirkəti Azərbaycan bazarında HP məhsullarının satış və xidmətinə görə lider şirkətlərdən biridir.