Azərbaycan, Bakı, 1 iyun/Trend, müxbir A. Axundov/
ABŞ-ın Olimpiya Komitəsinin sabiq direktoru Cim Şerr 2015-ci ildə Bakıda keçiriləcək Avropa Oyunlarının baş əməliyyat direktoru təyin edilib. Bu barədə Trend "Associated Press"ə istinadən məlumat verir.
Məlumata görə, Şerr yeni vəzifəyə keçmək üçün Milli Tələbə İdman Assosiasiyası yanında fəaliyyət göstərən ABŞ Milli Xokkey Konferensiyasının rəhbəri vəzifəsindən istefa verib.
Şerr daha əvvəl ABŞ Olimpiya Komitəsinə, 2004-cü ildə Afinada, 2006-cı ildə Turində, 2008-ci ildə isə Pekində Olimpiya Oyunlarında ABŞ-ın nümayəndə heyətinə başçılıq edib.