Azərbaycan, Bakı, 15 avqust /Trend/
ABŞ-ın dövlət katibi Con Kerri Misirdə fövqəladə vəziyyətin tətbiqini qınayıb və onun aradan qaldırılmasını tələb edib. Trend-in RBK-ya istinadən verdiyi məlumata görə, dövlət katibi tərəfləri münaqişənin siyasi həll yolunun tapılması üçün səy göstərməyə çağırıb.
"Baş verən hadisələr qəbuledilməzdir və misirlilərin sülh və demokratiya istəyilə uzlaşmır. Bütün misirlilər - həm hakimiyyətdə olanlar, həm də adi vətəndaşlar bir addım geri atmalı və gələcək insan tələfatından qorunmalıdır" - deyə Kerri əlavə edib.