Azərbaycan, Bakı, 23 sentyabr /Trend, müxbir S.Ağayeva/
Azərbaycanın Təbrizdəki Baş konsulluğu İran xəstəxanasında ölən 11 aylıq Azərbaycan vətəndaşının yaxınlarına hər cür kömək edib.
Trend-in məlumatına görə, bu barədə bazar ertəsi keçirilən brifinqdə Azərbaycan XİN-in mətbuat katibi Elman Abdullayev bildirib:
"Baş konsulluq uşağın meyitinin İrandan çıxarılması üçün bütün sənədləri hazırlayıb və onun Vətənə göndərilməsinə yardım edib".
E.Abdullayev bildirib ki, Baş konsulluğun məlumatına görə, körpə sentyabrın 22-də ağciyər çatışmazlığından ölüb.