Azərbaycan, Bakı, 10 oktyabr /Trend, müxbir İ.İsabalayeva/
"AMEA-nın elmi tədqiqat institutu və ona bərabər statuslu elmi müəssisənin rəhbəri vəzifəsinə seçkinin keçirilməsi Qaydaları" təsdiq edilib.
Trend AMEA-nın saytına istinadən xəbər verir ki, bu barədə qərar AMEA Rəyasət Heyətinin iclasında qəbul olunub. Sənəd AMEA-nın elmi tədqiqat institutları və ona bərabər statuslu elmi müəssisə rəhbərlərinin mövcud seçki prosedurlarının Azərbaycan Respublikası qanunvericiliyi və AMEA-nın normativ-hüquqi sənədlərinə uyğunlaşdırılması məqsədi daşıyır.