...

Dövlət Xəzər Dəniz Gəmiçiliyinə məxsus yük gəmisindəki qanun pozuntuları ilə bağlı cinayət işi başlanılıb

Cəmiyyət Materials 23 Oktyabr 2013 15:13 (UTC +04:00)
Azərbaycan Dövlət Xəzər Dəniz Gəmiçiliyinə(ADXDG)məxsus yük gəmisində yol verilmiş qanun pozuntuları ilə bağlı cinayət işi başlanılıb.
Dövlət Xəzər Dəniz Gəmiçiliyinə məxsus yük gəmisindəki qanun pozuntuları ilə bağlı cinayət işi başlanılıb

Azərbaycan, Bakı, 23 oktyabr / Trend, müxbir M.Əliyev/

Azərbaycan Dövlət Xəzər Dəniz Gəmiçiliyinə(ADXDG) məxsus yük gəmisində yol verilmiş qanun pozuntuları ilə bağlı cinayət işi başlanılıb.

Trend-in məlumatına görə, bu barədə çərşənbə günü Baş Prokurorluğun Mətbuat xidmətindən bildirilib.

Dövlət Xəzər Dəniz Gəmiçiliyinə məxsus "İslam Səfərli" yük gəmisində yol verilmiş qanun pozuntularına dair Baş Prokurorluğa daxil olmuş material Baş prokuror yanında Korrupsiyaya qarşı Mübarizə İdarəsində araşdırılıb.

"İslam Səfərli" yük gəmisinin kapitanı Həşim Həsənovun, gəmi kapitanının köməkçisi Səyyad İbadullayevin və gəmi heyətinin digər üzvlərinin 7 aprel 2013-cü il tarixdə Rusiya Federasiyasının bayrağı altında üzən "Kuban" gəmisinin kapitanı ilə aralarındakı şifahi razılaşmaya əsasən "Kuban" gəmisinə 3.800 ABŞ dolları müqabilində 40 ton xam neft və 18 ton mazut yüklənməsi, həmçinin gəminin saxlanc yerindəki 6 ton dizel yanacağını 1.800 ABŞ dollarına qeyd olunan gəmi heyətinə satmalarında şübhələr üçün əsaslar olduğundan faktla bağlı cinayət işi başlanılıb.

H.Həsənov, S.İbadullayev və A.Əmiraslanov Cinayət Məcəlləsinin 179.3.2 (mənimsəmə və ya israf etmə), 206.3.2 (qaçaqmalçılıq) və 206.3.3-cü maddələri ilə təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib.

Hazırda iş üzrə istintaq davam etdirilir.

Məqalədə:
Xəbər lenti

Xəbər lenti