Azərbaycan, Bakı, 30 oktyabr /Trend, müxbir İ.İsabalayeva/
Azərbaycanda səhiyyə müəssisələrinin dərman və avadanlıq təminatının yaxşılaşdırılması məqsədilə tibb sənaye müəssisələrinin yaradılması və onların fəaliyyətinin dövlət tərəfindən dəstəklənməsi nəzərdə tutulur.
Trend-in məlumatına görə, bu, Milli Məclisə daxil olan, 2014-2017-ci illəri əhatə edən ortamüddətli iqtisadi-sosial inkişaf konsepsiyası layihəsində öz əksini tapıb.
Konsepsiya layihəsinə əsasən, bütün ölkə üzrə səhiyyə sahəsində coğrafi məlumat sistemi yaradılacaq. Eyni zamanda, sanatoriya-kurort müəssisələri yaradılacaq, həmin müəssisələrin yenidən qurulması, infrastruktur təminatının yaxşılaşdırılması üçün işlər aparılacaq.