Azərbaycan, Bakı, 31 oktyabr /Trend/
İspaniyanın Kataloniya bölgəsində sirklərdə heyvanlardan istifadə etmək qadağan olunacaq.
Trend Türkiyə KİV-ə istinadən məlumat verir ki, Kataloniya parlamentində müzakirə olunan qanun layihələrindən biri heyvanlara qarşı kobud davranışın və onlara əziyyət verilməsinin qarşısını almağı nəzərdə tutur.
Xatırladaq ki, Kataloniya parlamenti 2010-cu ildə aylarla davam edən mübahisələrdən sonra "Heyvanların mühafizəsi haqqında" qanun çərçivəsində İspaniyanın simvolu sayılan öküz döyüşlərini də qadağan etmişdi.