...

Azay Quliyev Şirvanda seçiciləri ilə görüşüb (FOTO)

Cəmiyyət Materials 23 Oktyabr 2014 18:49 (UTC +04:00)
Bu gün Milli Məclisin deputatı Azay Quliyev Şirvan şəhərində seçiciləri ilə növbəti görüşünü keçirib.
Azay Quliyev Şirvanda seçiciləri ilə görüşüb (FOTO)

Azərbaycan, Bakı, 23 oktyabr /Trend/

Bu gün Milli Məclisin deputatı Azay Quliyev Şirvan şəhərində seçiciləri ilə növbəti görüşünü keçirib.

Millət vəkili gənclərin sayca üstünlük təşkil etdiyi görüşdə iştirak edən Şirvan sakinlərinin müraciət və şikayətlərinə baxıb, onların üzləşdikləri problemlərin həlli istiqamətində müvafiq qərarlar qəbul edib.

Görüşdə A.Quliyev Şirvanda həyata keçiriləcək layihələrin daha çox gəncləri əhatə etməsi istiqamətində irəli sürülən təklif və təşəbbüslərin araşdırılacağını və onların reallaşması üçün müvafiq addımlar atacağını bildirib.

Görüşün sonunda millət vəkili gənclərin suallarını cavablandırıb, Şirvanda keçirilən fərdi inkişaf, karyera quruculuğu ilə bağlı təlimlərdə fərqlənən gənclərə sertifikatlar təqdim edib.

Daha sonra A.Quliyev Şirvan şəhər Sahib Zeynalov küçəsində yerləşən binanın sakinləri ilə görüşüb, onların problemlərini dinləyib.

Görüşlərdə Şirvan şəhər İcra Hakimiyyətinin başçısının müavinləri, şəhər Məşğulluq idarəsi, DSMF, təhsil şöbəsinin rəhbərləri də iştirak ediblər.

Məqalədə:
Xəbər lenti

Xəbər lenti