Azərbaycan, Bakı, 28 oktyabr /Trend/
Bakının mərkəzi yollarında avtomobillərin hərəkəti məhdudlaşdırılacaq.
Trend Nəqliyyatı İntellektual İdarəetmə Mərkəzinə istinadən məlumat verir ki, noyabrın 1-2-də Bakı şəhərində keçiriləcək "Baku World Challenge 2014" yarışları ilə əlaqədar olaraq Mikayıl Hüseynov prospekti, akademik Əhəd Yaqubov və Aqil Quliyev küçələrində nəqliyyat vasitələrinin hərəkəti məhdudlaşdırılacaq.
Sürücülərə alternativ olaraq Qurban Abbasov, Xanlar küçələri və Badamdar şosesindən istifadə etmələri tövsiyə olunur.