...

AMEA üzrə vəzifələr nomenklaturasında dəyişikliklər edildi

Cəmiyyət Materials 10 Dekabr 2014 17:28 (UTC +04:00)
AMEA üzrə vəzifələr nomenklaturasında dəyişikliklər edilib.
AMEA üzrə vəzifələr nomenklaturasında dəyişikliklər edildi

Azərbaycan, Bakı, 10 dekabr /Trend, müxbir İlhamə İsabalayeva/

AMEA üzrə vəzifələr nomenklaturasında dəyişikliklər edilib.

Trend Akademiyanın saytına istinadən bildirir ki, bununla bağlı qərar AMEA Rəyasət Heyətinin bugünkü iclasında qəbul olunub.

Qərara əsasən, "AMEA Rəyasət Heyətinin bəzi səlahiyyətlərinin AMEA-nın elmi bölmələrinə həvalə edilməsi haqqında" AMEA Rəyasət Heyətinin 2014-cü il 5 noyabr tarixli qərarının birinci bəndində Akademiyanın elmi müəssisə və təşkilatlarının struktur (şöbə, laboratoriya və s.) rəhbərlərini və elmi bölmələrin nəzdində fəaliyyət göstərən elmi nəşrlərin redaksiya heyətlərini təsdiq etmək səlahiyyətlərinin AMEA-nın elmi bölmələrinə verilməsi qərara alınıb.

AMEA Rəyasət Heyəti Akademiyanın fəaliyyətini tənzimləyən uyğun normativ-hüquqi sənədlərə dəyişikliklər edilməsi nəzərdə tutulan həmin qərarın ikinci bəndinin icrasını təmin etmək məqsədi ilə müvafiq qərar qəbul edib.

Qərarın icrasına nəzarət AMEA-nın vitse-prezidenti, akademik İbrahim Quliyevə həvalə edilib.

Məqalədə:
Xəbər lenti

Xəbər lenti