...

Azərbaycan vətəndaşları Macarıstanda pulsuz ali təhsil ala biləcəklər

Cəmiyyət Materials 13 Aprel 2015 15:17 (UTC +04:00)
Azərbaycan Təhsil Nazirliyi və Macarıstan İnsan Resursları Nazirliyi arasında imzalanmış İş Proqramına uyğun olaraq, 2015-2016-cı tədris ilində Macarıstan ali təhsil müəssisələrində Azərbaycan vətəndaşlarının təhsil alması üçün 200 yer ayrılıb.
Azərbaycan vətəndaşları Macarıstanda pulsuz ali təhsil ala biləcəklər

Trend-i buradan izləyin

Azərbaycan, Bakı, 9 aprel /Trend, müxbir İlhamə İsabalayeva/

Azərbaycan Təhsil Nazirliyi və Macarıstan İnsan Resursları Nazirliyi arasında imzalanmış İş Proqramına uyğun olaraq, 2015-2016-cı tədris ilində Macarıstan ali təhsil müəssisələrində Azərbaycan vətəndaşlarının təhsil alması üçün 200 yer ayrılıb.

Təhsil Nazirliyindən Trend-ə verilən məlumata görə, proqrama əsasən, tam bakalavriat və magistratura üzrə kənd təsərrüfatı, su idarəetməsi, təbiət elmləri, davamlı inkişaf, tibb elmləri, turizm, mühəndislik, informasiya texnologiyaları, texnologiyalar, iqtisadiyyat, biznes və idarəetmə elmləri, doktorantura təhsili üzrə istənilən maraq dairəsi çərçivəsində təqaüdlər təklif edilir.

Ayrılan kvota çərçivəsində təhsil ödənişsizdir. Universitet yataqxanasında yaşayış, tibbi sığorta, aylıq təqaüd Macarıstan tərəfindən qarşılanır.

Macarıstan ali təhsil müəssisələrində kvota çərçivəsində təhsil alacaq tələbələrin seçimi Azərbaycanın Təhsil Nazirliyi tərəfindən həyata keçirilir.

Məqalədə:
Xəbər lenti

Xəbər lenti